TUGUEGARAO CITY, Cagayan, Philippines – Napatay ang 27-anyos na Aeta matapos itong pugutan ng kanyang kabaro habang nag-iinuman sa Barangay San Esteban, bayan ng Iguig, Cagayan kamakalawa.
Kinilala ni SPO2 Ronald Pascual ang biktima na si Ibok Tumaliuan na tubong Gattaran habang ang suspek na kababayan nito ay nakilalang si Noel Guzman ng nasabing barangay.?
Lumalabas sa imbestigasyon na naungkat ng magkababayan ang matagal na nilang alitan habang lumalalim ang kanilang tagayan ng alak kaharap ang iba pang kaibigan sa bahay ng utol ng suspek.?
Nauwi sa suntukan ang pagsasagutan ng dalawa hanggang sa inilabas ng suspek ang sukbit na itak na siyang pinangtagpas nito sa ulo ng biktima na nagpagulung-gulong pa sa lupa.?
Patuloy pa rin pinagtataga ng suspek ang natirang leeg at nangingisay na katawan ng biktima hanggang sa mapagod.?
Sumuko ang suspek sa pulisya matapos itong mahimasmasan sa ginawang krimen.