TUGUEGARAO CITY, Cagayan, Philippines – Tatlong kalalakihan kabilang ang dalawang sekyu na miyembro ng gun-for-hire at notoryus holdaper ang nasakote ng pulisya sa Barangay Dagupan, bayan ng Allacapan, Cagayan kamakalawa. Nadakip ng mga tauhan ng Police Regional Public Safety Battalion ang mga sekyu na sina Dominador Eslabon Jr., 25, ng Aparri; Johnny Olivas, 43, ng Ballesteros, Cagayan; at si Renato Bagalayos, 48. Sa ulat na nakarating kay P/Supt. Ronald Tagao, ang tatlo ay nagtatago sa palayan malapit sa bodega ng bigas na kanilang sasalakayin. Nasamsam sa mga suspek ang cal. 9mm machine pistol, cal. 45 pistol, cal. 38 revolver, mga bala, posas at ang suot nilang bonet na gamit sa panloloob.?