MANILA, Philippines – Himas rehas na ngayon ang dalawa sa top 10 most wanted na kriminal ng lalawigan ng South Cotabato.
Parehong nasakote ngayong araw sina Danny Taude na pinaghahanap dahil sa kasong panggahasa at tulak ng ilegal na droga na si Farida Buisan sa bayan ng Surallah at Santo Niño towns.
Dinakip ng mga awtoridad si Tuade sa palengke ng Surallah sa bisa na rin ng arrest warrant na inilabas ni Judge Roberto Tayco ng South Cotabato Regional Trial Court Branch 26.
Hindi naman pumalag si Taude nang hulihin at posasan.
Samantala, naharang ng mga pulis si Buisan sa Barangay Ambalgan.
Narekober naman sa hideout ni Buisan ang ilang pakete ng shabu at iba’t ibang paraphernalia.