TUGUEGARAO CITY, Cagayan, Philippines – Kalunus-lunos na kamatayan ang sinapit ng 60-anyos na lolo matapos itong makaladkad ng truck na kanyang sinakyan sa Barangay Lengaoan, bayan ng Buguias, Benguet kamakalawa. Sa police report na isinumite kay P/Chief Insp. Fernando Botangen, hindi napansin ng biktimang si Morris Machor Ganisi na pumulupot sa kanyang paa ang lubid na nasa truck bed na tinuntungan matapos itong makisakay at bumaba. Nakaladkad ng ilang metro ang matanda nang paandarin ng driver na si Lito Salipan Jr. ang truck. Na may plakang WDE 211. Gayon pa man, nagsisigaw ang matanda sa hapdi at sakit kaya humingi ng saklolo ang kasama nitong si Ben Mayaen sa mga residente dahil hindi marinig ng driver ng truck ang komosyon. Napahinto rin ng mga residente ang truck driver kung saan sumuko naman ito sa pulisya.