TUGUEGARAO CITY, Philippines – Dalawang pasahero ng passenger van ang nasawi habang walo pa ang nasugatan makaraang aksidenteng sumalpok ang sinasakyan ng mga itong behikulo sa sinusundang mini bus sa bahagi ng pakurbadang highway ng Barangay Quetagan, Mangatarem, Pangasinan kamakalawa.
Kinilala ang mga nasawi na sina Dennis Espejo at Angelia Montes; kapwa hindi na umabot ng buhay sa pagamutan. Patuloy namang nilalapatan ng lunas sa pagamutan ang mga nasugatang pasahero.
Sa ulat na nakarating kay Chief Inspector Rex Infante, hepe ng Mangatarem Police, kasalukuyang lulan ang mga biktima ng pampasaherong van na minamaneho ni Gatpatan.
Ayon sa imbestigasyon hindi napansin ng driver ng van ang sinusundang mini bus na tuluy-tuloy nitong sinalpok sa pakurbadang bahagi ng highway. Sasampahan naman ng kasong reckless imprudence resulting to double homicide ang driver ng van.