Simbahan binomba

MANILA, Philippines — Pinasabugan ng bomba ng mga pinaghihinalaang mi­yembro ng mga bandidong Abu Sayyaf Group (ASG) ang isang simbahang Katoliko sa naganap na paghahasik ng terorismo sa Lamitan City, Basilan kamakalawa ng gabi.

Sa ulat ni Joint Task Group Basilan Commander Col Rolando Bautista, dakong alas-9:25 ng gabi ng maitala ang pagsabog  sa Cathedral Church at Central School sa Poblacion ng lungsod.

Ang pambobomba ay naganap sa gitna na rin ng all out offensive ng tropa ng militar upang lipulin ang mga bandido sa lalawigan.

Wala namang iniulat na nasugatan sa pagsabog pero lumikha ito ng matinding takot sa hanay ng mga debotong Katoliko.