Most wanted utas sa shootout

LEGAZPI CITY, Albay, Philippines – Napatay ang isang most wanted person na sinasabing may kasong double murder matapos itong makipagbarilan sa mga operatiba ng pulisya sa Purok 2, Barangay Quitago sa bayan ng Guinobatan, Albay. Kamakalawa ng gabi. Hindi na umabot ng buhay sa Gata Hospital si Celso “Don” Ariola Jr. na may dalawang warrant of arrest na inisyu nina  Judge Ignacio N. Almodovar ng regional trial court Branch 1 at Judge Elmer Lanuzo ng regional trial court Branch 6 at walang kaukulang piyansa para pansamantalang makalaya. Sa ulat ng pulisya, sinalakay ng mga awtoridad ang pinagkukutaan ng suspek subalit nakipagbarilan ito kaya napatay. Mabilis na isinugod sa pagamutan ang suspek subalit hindi na ito umabot ng buhay kung saan narekober naman ang cal. 38 revolver.