MANILA, Philippines – Pinasabugan ng isang adik na pulis ang kanyang hepe at isa pang kasamahan sa isang bayan ng Bukidnon kagabi.
Nakilala ang mga nasawing biktima na sina Senior Inspector Crisanto Molina, hepe ng Cabanglasan police, at deputy commander, Inspector Dexter Garcia.
Ayon sa imbestigasyon, nasa isang pagsasalo sa Barangay Poblacion sina Molina at Garcia nang maghagis ng granada ang suspek na si Police Officer 1 Gorospe Cairo bandang 7:20 kagabi.
Nasawi kaagad ang mga biktima sa lakas ng pagsabog.
Isa si Gorospe sa dalawang pulis na nagpositibo sa drug test kahapon ng umaga.
Dinisarmahan si Gorospe kasunod nang pagbagsak sa drug test.
Tinutugis ngayon ng mga awtoridad ang suspek na kaagad tumakas matapos ang insidente.