NORTH COTABATO, Philippines — Pinaniniwalaang onsehan sa bentahan ng bawal na droga kaya niratrat at napatay ang 23-anyos na magsasaka ng mga di-kilalang lalaki sa Barangay New Cebu, bayan ng President Roxas, North Cotabato noong Sabado ng hapon. Apat na tama ng bala ang tumapos sa buhay ni Kaharodin Kusain Lumambas ng Purok Krislam sa bayan ng Matalam, North Cotabato. Sa inisyal na ulat ng pulisya, pauwi na ang biktima nang harangin ng dalawang di-kilalang lalaki. Isinakay ang biktima sa motorsiklo saka niratrat sa madamong bahagi ng nabanggit na barangay.