NORTH COTABATO, Philippines – Bulagta ang sinasabing notoryus na drug pusher matapos itong makipagbarilan ng mga operatiba ng pulisya sa Sitio Karakan, Barangay Bugasan Norte sa bayan ng Matanog, Maguindanao kamakalawa. Ayon sa police report, dadalhin sana ang search warrant ng Task Force Matanog laban sa suspek na si Adziz Kambaya nang makipagbarilan ito sa raiding team. Narekober naman ang cal. 22 rifle, mga bala, isang pakete ng shabu at ilang drug paraphernalia. Bago isagawa ang operasyon ay pormal nakipag-ugnayan si Mayor Kits Guro laban sa suspek pero sa halip na sumuko ay nagmatigas lamang ito.Nabatid din na ilang beses nang nakatakas si Kambayan sa isinasagawang operasyon ng pulisya.