Ancestral house ng mayor, naabo

TUGUEGARAO CITY, Cagayan, Philippines – Umaabot sa P5 milyon halaga ng ari-arian ang naabo makaraang nasunog ang tatlong palapag na ancestral house ni Mayor Antonio Miro Jr. sa Barangay Poblacion, bayan ng San Pablo, Isabela noong Sabado ng gabi. Sa police report na nakarating kay P/Insp. Alford Accad, hepe ng San Pablo PNP, tumagal ng dalawang oras ang sunog na nagsimula bandang alas-6:30 ng gabi kung saan nakatira si dating Mayor Eduardson Tumaliuan na amain ni Mayor Miro Jr. Pinaniniwalaang sa natumbang kandila sa altar ng pamilya nagmula ang apoy. Ang makasaysayang bahay ay prominente sa bayan dahil sa naging tahanan ng mga sinauna pang pulitiko sa bayan ng San Pablo sa angkan ng mga Miro at Tumaliuan.