NUEVA ECIJA, Philippines – Pinaniniwalaang sinalvage ang sinasabing adik na babae matapos itong ratratin at iwanan ng mga di-kilalang lalaki sa hangganan ng Vergara Extension Road sa Sitio Asias, Barangay Soledad, sa bayan ng Sta. Rosa, Nueva Ecija, kamakalawa ng umaga. Bandang alas-6:50 ng umaga nang matagpuan ng isang concerned citizen ang bangkay ng di-kilalang babae na may tatlong tama ng bala ng baril sa leeg, pisngi at sa kanang mukha. Nakasuot ang biktima ng abuhing sweatshirt, abuhing shorts, itim na spaghetti shirt, puting pares na sandals at iba’t-ibang kulay ng plastic bracelet accessories. Narekober naman ng pulisya sa crime scene ang 5-plastic sachets ng shabu at iba’t ibang gamit sa droga na nakalagay sa kaha ng sigarilyo na nakuha sa katawan ng biktima.