QUEZON, Philippines – Kusang nagpasulong kay kamatayan ang isang obrero na sinasabing may matinding problema sa pamilya dahil sa kawalan ng trabaho makaraang gilitan ang sarili kamakalawa ng umaga sa Barangay Ilaya, bayan ng Plaridel, Quezon. Sa ulat ng pulisya, dakong alas-7:30 ng umaga nang mamataan ang biktimang si Ryan Samarita na naglalakad sa riles ng tren na tila wala sa sarili. Subalit ilang minuto ang nakalipas ay inagaw ng biktima ang hawak na patalim ng isang batang magtitinda ng gulay saka nilaslas ang sariling leeg. Sa impormasyong nakalap ng pulisya mula sa mga kaanak ng biktima na namomroblema umano ito sa pamilya dahil sa kakapusan ng pera sa araw-araw dahil sa kawalan ng trabaho kaya nagdesisyong mag-suicide.