MANILA, Philippines – Lima-katao na sinasabing notoryus na mga drug pusher ang nasakote ng mga operatiba ng Philippine Drug Enforcement Agency makaraang makumpiskahan ng P9 milyong halaga ng shabu sa inilatag na buy-bust operation sa Barangay Central Poblacion, bayan ng Kalilangan, Bukidnon.
Sa ulat kahapon, kabilang sa mga kinasuhang suspek ay sina Marlon Arenal, 39; Wilbert Pacion, 34; Eugene Pasabilla, 35; Junaid Mondas, 22; at si Baguinda Carim, 29; pawang nakatira sa Lanao del Sur.
Sa ulat na nakarating kay PDEA Director General Undersecretary Arturo Cacdac Jr., nagpanggap na poseur buyer ang isang tauhan ng PDEA sa mga suspek sa Purok 2 kaya nadiskubre ang kanilang modus operandi.
Nasamsam sa mga suspek ang isang kilong shabu na may street value na P9,045,000.