QUEZON , Philippines - Nalasog ang katawan ng 35-anyos na minero makaraang masabugan ng dinamita sa Barangay Dapdap, bayan ng Calauag, Quezon kamakalawa ng umaga. Kinilala ng pulisya ang biktima na si Elmer Burgos ng Barangay Basiad, bayan ng Sta. Elena, Camarines Norte. Sa imbestigasyon ng pulisya, naghuhukay ang biktima at ilang kasamang minero sa minahan nang sindihan nito ang dinamita para mapabilis ang hinuhukay na tunnel. Sinabihan umano ang biktima ng kanyang mga kasama na mag-ingat subalit sa hindi inaasahang pagkakataon ay sumabog sa kamay ng biktima ang dinamita. Napag-alamang ipinagbawal ng lokal na pamahalaan ang paggamit ng dinamita sa hinuhukay na tunnel ng sinuway ng biktima.