SANTIAGO CITY, Isabela , Philippines – Patay ang isa sa mag-utol na magsasaka makaraang tamaan ng matalim na kidlat sa gitna ng palayan sa Barangay Baliw, bayan ang San Juan, Ilocos Sur kamakalawa. Kinilala ang namatay na si Troy Peneyra habang sugatan naman si John Rey Penerya na naisugod sa pagamutan. Napag-alaman na nagtungo ang magkapatid sa bukid para manguha ng damo na ipapakain sa mga alagang hayop nang biglang bumuhos ang ulan kasabay ng kulog at kidlat. Sinikap ng mag-utol na maghanap ng masisilungan subalit muling kumidlat at tinamaan ang dalawa. Sa lakas ng boltahe na tumama sa kanila ay agad na namatay si Troy habang si John Rey naman ay nasa kritikal na kalagayan na naisugod sa ospital.