BULACAN, Philippines — Kalaboso ang tatlong katao kabilang ang isang babae matapos na maaktuhan ng mga awtoridad na nagsasagawa ng shabu pot session sa Barangay Malhacan, Meycauayan City, Bulacan kahapon.
Patung-patong na kaso ang kinakaharap ng mga suspek na sina Josephine “Joy” Soriano, 40, Julius Laguna, 30 kapwa residente ng Brgy. Malhacan sa siyudad na ito at Carlos Acuña 42,mananahi ng Brgy. Sta.Ines sa bayan ng Plaridel.
Base sa ulat ni P/Supt. David Poklay dakong ala- 1:15 ng hapon ay isang residente ang nagulat sa pulisya hinggil sa nagaganap na pot session sa bahay ng isang alyas Joy na nasa Little Grace Park, Barangay Malhacan at ng makumpirma ay dito na pinasok ang bahay na nagresulta sa pagkakaaresto ng tatlong suspek.
Narekober sa loob ng bahay ang apat na sachet ng shabu at mga drug paraphernalia.
Naghihimas na ng rehas na bakal ang mga suspek.