Municipal councilor dedo sa tandem
BATANGAS, Philippines - - Pinabulagta ang 54-anyos na municipal councilor matapos barilin ng riding-in-tandem gunmen habang bumibili ng piyesa ng motor sa Lipa City, Batangas kahapon ng umaga.
Kinilala ni P/Supt. Jacinto Malinao, hepe ng Lipa City PNP ang biktimang si Councilor Rodante Encallado ng Barangay Maquina at last-term municipal councilor sa bayan ng Balete.
Sa police report, kabababa lang ni Encallado sa SUV Isuzu Alterra (NQU-538) para bumili ng goma ng motorsiklo sa Sonic Lane Cycle Part sa Barangay Maraouy nang lapitan at barilin sa ulo gamit ang cal. 45 pistol bandang alas-10 ng umaga.
Sinisilip ng mga imbestigador ng pulisya ang anggulong personal, business at politics bilang motibo sa pamamaslang habang inilatag ang malawakang operasyon sa karatig bayang malapit sa Lipa City.
- Latest
