Cavite , Philippines ----Isang 19-anyos na umano’y lesbian ang nagpakamatay sa pamamagitan ng pagbibigti matapos na ma-depress dahil sa hindi umano tanggap ng kaniyang pamilya ang pagiging tomboy kamakalawa sa Alfonso, Cavite.
Ayon sa mga opisyal ng barangay, dakong alas-6:00 ng gabi nang madiskubre nila sa magubat na bahagi ng Brgy. Marahan 2 na nakabigti sa isang puno ng rambutan ang 19-anyos na biktimang itinago sa pangalang Apple, nakatira sa Bry. Marahan 1.
Sa kuwento ng kapatid na si Jay, ilang araw bago ang insidente ay nagsabi pa sa kaniya ng problema ang kapatid na dumadaan umano sa depresyon dahil sa pagkakaroon ng hindi pagkakaunawaan sa pamilya dahil na rin sa pagiging tomboy nito na pinaniniwalaang nagtulak dito upang tapusin ang sariling buhay.
Ayon naman sa imbestigador na si PO3 Dante Comilap Baje, tingin nila ay nasa mahigit kumulang na sa limang oras na patay ang biktima bago natuklasan. Wala namang nakikitang foul play ang pulisya sa insidente.