DINGALAN, Aurora, Philippines - – Umaabot sa 21-katao ang nasugatan makaraang mahulog ang pampasaherong bus sa may 20-talampakang lalim na bangin sa Barangay Caragsacan, bayan ng Dingalan, Aurora noong Martes ng gabi. Kabilang sa mga biktimang sugatan ay sina Hwang Yun Suk, Roland Arjay Borreo, Jason Villanueva, Maydid de Belen, Francisco Colisao, Evangeline Gibaga, Arnel Catubay Jr., 5-months old; Andrea Hilario, Lorna Catubay, Pauleen Catubay, Jonalyn Salayog, Ereneo Tan, Elaisa Abat, Madelyn Ebol, Salvacion Anda, Leonard Espiritu, Jason Ebuenga, Rico Ebuenga, Rommel Bayang, Lorger dela Cruz, at si Arman Obias. Sa police report na nakarating kay P/Senior Inspector Rhoderick Bagunu, nawalan ng kontrol sa manibela ang driver ng Dingalan Transport Bus (CXV-929) na si Romulo Catalan pagsapit sa nasabing barangay kaya nagtuluy-tuloy na nahulog sa bangin.