NORTH COTABATO, Philippines – Pinaniniwalaang naging desperado ang 34-anyos na pulis na sinasabing inilipat ng assignment kaya nagdesisyong itong magpasalubong kay kamatayan matapos mag-suicide sa palikuran ng Cotabato City Airport, Maguindanao kahapon ng umaga.
Kinilala ni P/Senior InsÂpector Eugene Balugo ang biktima na si P01 Richard Batulio Cruz ng Bukana, Cotabato City, MaguindaÂnao at nakatalaga sa GeÂneral Santos City Airport.
Huling namataan ang biktima na kasama ang kanyang utol na babae bago nagkulong sa palikuran ng nabanggit na paliparan bandang alas-2 ng madaling araw.
Nakausap pa ni Balugo si Cruz habang nasa palikuran at hindi inakalang magpapakamatay.
Gayon pa man, bandang alas-7 ng umaga ay umalingawngaw ang malakas na putok ng baril kung saan natagpuang patay na ang biktima.
Sa pagsusuri ng mga tauhan ng Scene of the Crime Operatives (SOCO), nagbaril sa kaliwang bahagi ng ulo ang biktima kung saan naiwan pa ang bala.
Patuloy naman ang imÂbestigasyon habang naÂkikipag-ugnayan ang pulisÂya sa pamilya ng biktima sa tunay na dahilan ng pagpapakamatay nito.