TUGUEGARAO CITY, Philippines — Bumulagta ang isang dating Barangay Chairman habang nasa kritikal namang kondisyon ang kanyang daÂting sekretaryo matapos silang tambangan ng hindi pa nakilalang mga armadong salarin sa highway ng Brgy. Sagap, Bangued, Abra kamakalawa.
Kinilala ang nasawi na si Wilfredo Bao-it at isinugod naman sa pagamutan ang sugatang si Victor Nalimba; pawang ng Brgy. Sagap ng bayang ito.
Ayon sa imbestigasyon ng pulisya, lulan ng tricycle na minamaneho ni Nalimba ang dalawang biktima nang paulanan ang mga ito ng bala ng mga armadong salarin na nagkukubli sa masukal na bahagi ng damuhan sa tabi ng highway.

Patay agad ang dating chairman sanhi ng tama ng bala sa iba’t ibang bahagi ng katawan samantalang sugatan at naisugod ng mga sumaklolo si Nalimba sa pagamutan.
Nakarekober ang mga imbestigador sa crime scene ang 16 piraso ng basyo ng bala ng M16 armalite rifle .