TUGUEGARAO CITY, Cagayan , Philippines - Hindi na umabot ng pagbubukas ng klase sa Hunyo ang 19-anyos na estudyante matapos itong saksakin at mapatay ng isa sa kalabang grupo sa naganap na rambulan ng mga kabataan sa diskuhan sa Barangay Caritan, Tuguegarao City, Cagayan kamakalawa. 

Kinilala ni Chief Insp. Ruben Verbo, deputy chief ng Tuguegarao City PNP ang biktima na si John Rey Bongoi, college student at tubong Cabugao, Apayao.
Lumalabas sa imbestigasyon na natapakan ng kasamahan ng biktima na si Leonardo Sedon ang paa ni Gerald Espergal na sinasabing karibal na grupo ng kabataan habang nagsasayaw sa dance floor sa diskuhan.
Gayon pa man, suÂmikÂlab ang rambulan sa pagitan ng magkalabang grupo ng kabataan hanggang sa humantong sa pananaksak at pagkamatay ng biktima.
Wala naman makapagturo sa dalawang grupo kung sino ang nakasaksak sa biktima dahil sa pawang mga lango sa alak habang patuloy ang imbestigasyon.