TUGUEGARAO CITY, Philippines - - Isang 18 anyos na helper at kasamahan nitong 15 anyos na binatilyo ang dinakip ng pulisya matapos maaktuhang hinahalay ang dalawang musmos na anak ng kanilang amo sa bayan ng Sanchez Mira, Cagayan kamakalawa. 

Kinilala ni Sr. Insp. Renante de Gracia, hepe ng pulisya ng Sanchez Mira, ang nadakip na sina Jun Mark Erico Barit at ang menor de edad nitong kasabwat na binatilyo.
 Lumalabas sa imbestigasyon na inalok ng mga suspek ng laruan ang dalawang bata na isang 6 anyos na nene at kapatid nitong 5 anyos na totoy na pumasok sa kanilang kuwarto.
Ayon sa ulat; nahuling kinukunan ng video ni Barit sa kanyang cell phone habang isinasagawa ng kasama nitong binatilyo ang kahalayan sa dalawang bata.
 Kasong rape ang hinaharap ngayon ng mga suspek habang inilagay muna ang mga ito sa kustodya ng Department of Social Welfare and Development (DSWD) sa nasabing bayan.