MANILA, Philippines – Nasakote ng mga tauhan ng Philippine Drug Enforcement Agency ang isang dating pastor dahil sa pagbebenta ng ilegal na droga sa Benguet.
Nakilala ang suspek na si Delfin Andiso, 54, ng Windy Hill, Buyagan, La Trinidad, Benguet at dating mangangaral ng Kingdom of Jesus Christ Church.
Nadakip si Andiso matapos bentahan ng shabu ang isang undercover agent ng PDEA noong Abril 22 sa Pico, La Trinidad, Benguet bandang 4:30 ng hapon.
Nabawi mula sa suspek ang isang pakete ng shabu, cellphone, P1,000 marked money na ginamit sa transaksyon.
Kabilang si Andiso sa mga targeted drug personalities ng probinsiya, ayon kay PDEA director general Arturo Cacdac Jr.
Nahaharap sa kasong paglabag sa Section 5 (Sale of Dangerous Drugs), Article II ng Republic Act 9165, o Ang Comprehensive Dangerous Drugs Act of 2002.