QUEZON, Philippines - - Inaresto ng mga awtoridad ang 41-anyos na manager ng pawnshop matapos na ireklamo ng pang-uumit ng P1.1 milyong na koleksyon ng kanilang kompanya kamakalawa ng umaga sa Barangay PobÂlacion, Tayabas City, Quezon. Pormal na kinasuhan ang suspek na si Marygrace Hugo, may-asawa, ng Lita Subdivision at branch manager ng Michel Lhuiller Financial Services (pawnshop) Inc. Ayon sa ulat ng pulisya, dakong alas-11 ng umaga ay nagsagawa ng sorpresang pag-a-audit sa nasabing sanglaan ang field auditor na sina Roberto Palines at Estelita Macalibo kung saan natuklasan na kulang ng malaking halaga ang collection money. Sa pagsisiyasat ay nabatid na kinuha ng suspek ang P1.1 milyon sa safety vault noong March 31, 2014.