Tocino vendor timbog sa pagtutulak ng droga

MANILA, Philippines – Nasakote ang isang tindero ng tocino dahil sa pagtutulak ng ilegal na droga sa lungsod ng Baguio.

Nakilala ang suspek na si Spencer Monzon Cabuco, 40, residente ng Barangay Irisan at district supervisor ng Pampanga's Best Inc.

Nakorner si Cabuco sa isang buy-bust operation ng Philippine Drug Enforcement Agency (PDEA) sa Barangay San Luis noong Marso 27.

Nabawi mula sa suspek ang isang pakete ng shabu na may timbang na .5 gramo na nagkakahalaga ng P3,000.

Isa si Cabuco sa mga pinaghahahanap ng mga awtoridad sa Baguio City.