MANILA, Philippines - Agaw-buhay ngayon ang 7-anyos na nene makaraang mabaril ng sarili nitong ama sa bayan ng Moises Padilla, Negros Occidental kamaÂkalawa. Sa ulat ni P/Senior Insp. Edfil Balibadlan, hepe ng Moises Padilla PNP, kinilala ang biktima na si Jovelyn Valenzuela, nagtamo ng tama ng bala sa likurang bahagi ng katawan na naglagos sa kidney. Nahaharap naman sa kasong kriminal ang ama nitong si Joselito Valenzuela, 44, ng Brgy. Inolingan sa nasabing bayan. Sa imbestigasyon, bandang alas-6 ng gabi nang umuwing senglot ang suspek kung saan nakasagutan nito ang kaniyang misis at bayaw. Nauwi sa mainitang pagtatalo ang tatlo kung saan bigla na lamang kumuha ng baril ang nairitang suspek at nagpaputok. Minalas namang tamaan ang anak nito na noo’y nagÂlalaro.