Bulacan, Philippines - Patay ang isang 4 anyos na batang lalaki makaraan itong pagsasaksakin ng sarili nitong tiyuhing may diperensiya sa pag-iisip na napatay din ng mga nagrespondeng opeÂratiba ng pulisya sa madugong hostage drama sa Brgy. Maharlika, San Jose del Monte City, Bulacan nitong Sabado ng umaga.
Kinilala ang nasawing biktima na si Dennis SibaÂluca Jr., nagtamo ng limang tama ng saksak sa katawan na idineklarang dead-on- arrival sa Grace Hospital sa lungsod.
Sa imbestigasyon , sinabi ni SPO1 Ric Barchita ng San Jose del Monte City Police, naganap ang pangho-hostage ng suspek sa pamangkin sa nasabing lugar dakong alas-9:45 ng umaga.
Bigla na lamang umaÂnong sinunggaban ng suspek ang pamangkin saka tinutukan ng balisong.
Bago ang insidente ay nakaalitan umano ng suspek na umano’y matagal ng may diperensiya sa pag-iisip ang misis ng kaniyang pinsan na ina ng bata.
Nang matanggap ang impormasyon ay nagÂresÂponde naman ang mga awtoridad pero ng matanawan ang mga ito ng suspek ay agad pinagsasaksak ang musmos na pamangkin.
Napilitan naman ang mga awtoridad na barilin ang hostage-taker na siya nitong dagliang ikinamatay.