LEGAZPI CITY, Albay , Philippines – Kamatayan ang nabingwit ng 13-anyos na totoy habang apat nitong kasama ang malubhang nasugatan makaraang tamaan ng kidlat habang nangingisda sa karagatang sakop ng Barangay Cabotoran sa bayan ng Lagonoy, Camarines Sur kamakalawa ng hapon.
Kinilala ang namatay na si Christian Erez habang naisugod naman sa Partido District Hospital ang mga sugatang sina Jeantly Buhayo, 32; Ronaldo Barcites, 41; John Paul Nabus, at si Jimboy Buhayo, 29, pawang nakatira sa nasabing barangay.
Batay sa police report, magkakasamang nangingisda ang mga biktimang lulan ng bangka nang biglang kumulog at gumuhit ang matalim na kidlat na tumama sa biktima.