CAVITE, Philippines - – Pinaniniwalaang onsehan sa bawal na droga ang isa sa motibo kaya pinagbabaril hanggang sa mapatay ng mag-utol ang mag-lover sa Barangay H2, Dasmariñas City, Cavite kamakalawa ng gabi. Kinilala ang mga biktima na sina Reynante Oliveros at Aida Cabe habang pinaghahanap naman ang mga suspek na sina Kaha Lumna at Sole Lumna, kapwa nakatira sa Barangay Datu Esmael ng nasabing lungsod. Ayon kay P03 Aaron Abesamis, kinompronta ng mga suspek si Oliveros sa bahay ng kanyang lover habang nakamasid naman si Cabe at anak na si John Rey. Dito na pinagbabaril ang mag-asawa sa harap ng kanilang anak bago tumakas. Narekober sa crime scene ang limang basyo ng bala ng cal. 45 pistol habang patuloy ang imbestigasyon.