Artist sketch ng mga suspek sa panununog ng bus, inilabas
BATANGAS, Philippines - – Inilabas na ng pulisya ang dalawang computerized facial composites na responsable sa panununog ng walong bus sa terminal ng Jam Liner Inc. noong madaling araw ng Linggo sa bayan ng Lemery, Batangas.
Ayon kay P/Senior Supt. Omega Jireh Fidel, Batangas PNP director, inilarawan ang dalawa sa 15- rebeldeng New Peoples Army na payat, may taas na 5’7†feet, may balbas, nasa pagitan ng 38 hanggang 40-anyos.
Samantala, ang babae ay nasa 30 hanggang 40-anyos, may taas na 5’3’ at medium built.
Nakatakda namang isampa ang mga kaso laban sa mga suspek ngaÂyong araw (Huwebes) sa Batangas Provincial ProÂsecutors Office.
Nauna nang nagbigay ng pahayag ang mga saksi na dalawang babaeng amazona ang kanilang namataan na kabilang sa mga lumusob sa Jam terminal bandang alas-12:55 ng madaling araw.
“Yung isang babaeng suspek muna ang kakasuhan namin kasi siya rin ‘yung lumalabas na involved sa panununog ng construction equipment sa Padre Garcia noong 2013,†ayon kay Region 4 PNP Director P/Chief Supt. Jesus Gatchalian.
Ayon sa management ng Jam Liner, nakatanggap sila ng extortion letter mula sa mga nagpapakilalang miyembro ng Melito Glor Command pero hindi nila ito pinansin.
Samantala, patuloy pa rin ang pulisya sa pangaÂngalap ng mga impormasÂyon laban sa ang mga resÂponsable sa panununog.
- Latest
