Lola inararo ng bike, utas

CAVITE , Philippines  â€“ Patay ang 75-anyos na lola makaraang suyurin ng motorsiklo sa kahabaan ng Jose Abad Santos Avenue sa Barangay Salawag, Dasmariñas City, Cavite kamakalawa ng hapon. Kinilala ang biktima na si Juliana Galila habang nakaligtas naman ang anak nitong si Marilou Mendez na kapwa nakatira sa nasabing barangay. Arestado naman ang driver ng motorsiklo na si Obed Arguelles, 37, ng Mabuhay Homes 2000 sa nabanggit na barangay.

Ayon kay PO3 Ronald Manaig, tumatawid ang mag-ina nang araruhin ng motorsiklo bandang alas-4 ng hapon.