NORTH COTABATO , Philippines – Napatay ang isang barangay kagawad matapos na pagbabarilin ng di-kilalang lalaki sa bahagi ng Provincial Road sa Barangay Ladtingan, bayan ng Pikit, North Cotabato kahapon. Kinilala ni P/Chief Insp. Joeffrey Todeno, hepe ng Pikit PNP ang biktima na si Kagawad Teng Dimacali ng Barangay Tapodoc sa bayan ng Aleosan, North Cotabato. Naisugod pa sa pagamutan si Dimacali pero di na ito umabot pa ng buhay habang patuloy naman ang pagsisiyasat.