MANILA, Philippines - Tatlo-katao ang kumpirmadong napatay kabilang ang lalaking nag-amok sa Barangay Sta. Cruz sa Antipolo City, Rizal kahapon ng hapon. Napatay ang nag-amok na si Jonathan Hinentesa makaraang maagaw ng ilan niyang biktima ang itak na ginamit sa pamamaslang. Nakilala naman ang dalawang namatay na sina Romeo Gutlay at Joseph Justa, kapwa nakatira sa Sitio Sapu. Malubhang nasugatan naman ang anim pang biktima na naisugod sa Antipolo District Hospital at Amang Rodriguez Medical Center sa Marikina City.
Sa inisyal na ulat ng Antipolo City PNP, dakong alauna ng hapon nang mag-umpisang mag-amok si Hinentesa na sinasaÂbing may kapansanan sa pag-iisip at bigla na lamang pinagtataga ang mga biktima.
Nagawa namang manlaban ng ilang biktima at maagaw ang itak na ginamit nito at pinagtuluÂngan naman pagtatagain si Hinentesa.