CAVITE , Philippines – Pinaniniwalaang napagtripang pagbabarilin hanggang sa mapatay ang 32-anyos na mister ng di-kilalang lalaki kamakalawa ng gabi sa Barangay Zapote 1, Bacoor City, Cavite. Napuruhan sa dibdib ang biktimang si Nino De Leon ng Barangay Aniban 1 sa nasabing lungsod. Base sa police report, kausap ng biktima ang gunman nang umalingawngaw ang sunud-sunod na putok ng baril.Palakad na lumayo ang gunman na animo’y walang naganap na pamamaril habang patuloy naman ang imbestigsayon.