LUCENA CITY, Philippines - – Isang 73-anyos na lolo ang nasawi matapos na tangayin ng, malakas na agos ng tubig ilog nang mahulog ito sa kanyang sinasakyang kabayo na hinampas ng malakas na hangin dala ng bagyong Yolanda kahapon ng umaga sa Sitio Tiis, Barangay Gulang-gulang.
Kinilala ng pulisya ang biktima na si Remedio Dila, residente ng Barangay MaÂpagong, Pagbilao, Quezon.
Batay sa imbestigasÂyon, dakong alas-8:30 ng umaga ay sakay ng kanyang kabayo ang biktima at binabaybay ang bangin na malapit sa ilog ng Dumacaa nang bigla umanong hinampas ng malakas na hangin kaya’t nahulog ito kasama ang kabayo sa ilog at tuluy-tuloy na tinangay ng agos ng ilog.
Wala nang buhay ng marekober ng pulisya at mga Army Reservist rescuer ang katawan ng biktima.