2 tiklo sa bentahan ng baril

BULACAN, Philippines – Rehas na bakal ang binagsakan ng mag­kaibigan makaraang arestuhin ng mga operatiba ng pulisya sa aktong bentahan ng dalawang baril sa Brgy. Pitpitan, bayan ng Bulakan, Bulacan kamakalawa ng hapon. Pormal na kinasuhan ang mga suspek na sina Jimmy “Pilay” Roque, 44; at Nelson San Diego, 35, kapwa nakatira sa nabanggit na barangay. Sa ulat na nakarating kay P/Chief Insp. Rodolfo Santiago II ng CIDT-Bulacan, ang dalawa ay inaresto sa isinagawang buy-bust operation bandang alas-3 ng hapon kung saan nakumpiska ang dalawang cal. 38 revolver at marked money na ginamit sa operasyon.