2 patay, 7 sugatan sa road mishap

RIZAL, Philippines - Dalawang katao ang nasawi habang pito ang nasugatan matapos na bumangga ang pick-up sa punungkahoy sa kurbadang kalsada sa Brgy. Sipsipin sa bayan ng Jala-jala, Rizal kahapon ng u­maga. Idineklarang patay sa Ynares Municipal Hospital ang mga biktimang sina Eddie Jarquio, at Jenny Ordas, kapwa nakatira sa Barangay Nio­gan, bayan ng Pililla, Rizal. Kabilang sa mga sugatan ay sina Bernard Tomono ng Brgy. Malaya; Ramirez Realyn ng Brgy. Malaya;  Je­rome Mercado ng Barangay Niogan; Rose Ann Gellido ng Barangay Niogan; Anna Lato ng Brgy. Quisao; Kim Kelly De Leon ng Barangay Malaya; at si Joan Gonzal ng Brgy. Wawa, Pililla. Ayon kay PO3 David Golla, nawalan ng kontrol sa manibela ang drayber ng sasakyang Isuzu Fuego (XFF-874) pagsapit sa kurbadang highway kaya sumalpok sa punungkahoy na nasa gilid ng kalsada. Tumilapon ang mga biktima mula sa sasakyan kung saan namatay ang dalawa.