BULACAN , Philippines – Napatay ang 22-anyos na sinasaÂbing miyembro ng Akyat-Bahay Gang na nanlaban sa mga awtoridad matapos itong pagbabarilin ng barangay tanod sa bahagi ng Barangay Sampaloc sa bayan ng San Rafael, Bulacan kamakalawa ng gabi.
Dalawang tama ng bala ng cal. 9mm pistol sa mukha at dibdib ang tumapos sa buhay ni Dan Carlo Taguinod ng Barangay Tangos sa bayan ng Baliwag.
Sumuko naman sa pulisya ang tanod na si Roberto Hipolito, 62, hepe ng mga barangay tanod sa Barangay Ulingao sa nasabing bayan.
Sa police report na nakarating kay P/Supt. Roginald Francisco, nagÂreklamo sa barangay hall ang inakyat-bahay na si Shirley Tamayo kaya inilatag ang operasyon ng grupo ni Hipolito laban kay Taguinod.
Kaagad naman naÂmataan si Taguinod sa madilim na bahagi ng nasabing lugar kaya tinangkang sitahin subalit nanlaban ito gamit ang mahabang gunting.
Dito na pinutukan ni Hipolito ang sinasabing kawatan bago pa mang muÂling manaksak.