TUGUEGARAO CITY, Cagayan, Philippines – Desperadong nagpasalubong kay kamataÂyan ang 25-anyos na mister na sinasabing tatlong beses bumagsak sa Nursing Board Examination matapos itong magbigti sa kanilang bahay sa Barangay San Fermin, Cauayan City, Isabela kamakalawa. Kinilala ng pulisya ang biktima na si Sotero Bautista, may asawa, at isang karpintero na tinustusan ang sarili para makapag-aral ng nursing. Lumalabas sa imbestigasyon ng pulisya na naglasing ang biktima kaharap ang ilang kaanak nang pagsabihan ito ng kanyang mga magulang kaugnay sa pagkabigong pumasa sa nabanggit na examination.
Pinaniniwalaang napahiya ang biktima sa sermon at paÂngungutya ng mga magulang kaya nagdesisyong magpakamatay.