Nakabitiw sa tiyuhin… 3-anyos nilamon ng tubig-baha

CAVITE, Philippines – Kalunus-lunos na kamatayan ang sinapit ng 3-anyos na batang lalaki matapos itong makabi­tiw sa kanyang tiyuhn at malunod sa tubig-baha sa Barangay Malagasang II-E sa Imus City, Cavite kamakalawa ng madaling-araw.

Ilang oras bago pa ma­tagpuan ang bangkay ng biktimang si Constantine Hernandez ng nasabing barangay.

Sa ulat ni P01 Merli­ta Bianes, bandang alas-4 ng madaling-araw, nang magpasyang lumikas ang mga residente kasama ang pamilya ng biktima ma­tapos tumaas ang tubig-baha hanggang dibdib.

Nabatid na pasan-pa­san ng tiyuhing si Moses Modesto ang biktima kung saan lumusong sa tubig-baha upang magtungo sa evacuation center.

Subalit sa lakas ng agos ng tubig-baha ay aksidenteng nakabitiw at nahulog ang biktima sa tubig-baha hanggang sa tangayin ng rumaragasang agos.

Gayon pa man, sinikap na sagipin ng tiyuhin at ilang residente ang biktima subalit mabilis na nilamon ng tubig-baha kung saan natagpuan naman matapos lumutang ang bangkay nito.