BULACAN, Philippines – Napatay ang 40-anyos na Tsinoy traÂder makaraang pagbabarilin ng isa sa tatlong holdaper sa Brgy. San Vicente, bayan ng Sta. Maria, Bulacan kahapon. Namatay habang ginagamot sa Rogasciano M. Mendoza Memorial General Hospital ang biktimang si Mou Biao Chen, alyas Willy Tan ng Brgy. Buenavista habang nakaligtas naman si Joey Lu, 27, stay-in manager ng Green Apple Const. and Hardware Supply sa nasaÂbing barangay. Sa pagsisiyasat ni SPO1 Jerry Villamor, nagpanggap ang tatlo na may bibilhing gamit sa contruction supply na pag-aari ng biktima kung saan nagdeklara ng holdap bandang alas-1:30 ng hapon. Gayon pa man, habang nililimas ng tatlo ang malaking halaga na nakalagay sa drawer ay nagtatakbo ang biktima palabas ng gusali. Dito na pinagbabaril ang biktima habang nakapagtago naman si Lu sa ilalim ng mesa. Nakatakas ang tatlo lulan ng motorsiklo kung saan tangay ang P40,000 cash.