MANILA, Philippines - Napatay ang isang pulis-Sangli matapos itong pagbabarilin ng riding-in-tandem gunmen sa bahagi ng Barangay Tumaga, Zamboanga City kamakalawa ng gabi. Naisugod pa sa Zamboanga City Medical Center subalit idineklarang patay si SPO1 Rowan Lim ng Sangali Police Station 3. Sa ulat ni P/Senior Supt. Edwin de Ocampo na nakarating sa Camp Crame, naganap ang pananambang sa entrance ng Wanni Drive. Narekober sa crime scene ang mga basyo ng bala ng cal. 45 pistol habang patuloy ang imbestigasyon.