MANILA, Philippines - Nasa bingit ng kamataÂyan ang tatlo-katao makaraang mahulog ang kanilang trak sa may 20 metrong lalim na bangin sa Camp IV, Kennon Road sa bayan ng Tuba, Benguet kamakaÂlawa.
Kabilang sa malubhang nasugatan ay sina Arnold Calatan, 20, driver, ng Balacbac, Baguio City; Ogie Camitan, 29, helper mula sa Camp 6, Kennon Road, Tuba, Benguet; at si Jeffrey Hernando, 20, ng Tagudin, Ilocos Sur.
Sa ulat ni P/Chief Insp. William Willie, lango sa alak ang driver ng trak na si Calatan habang nagmamaneho patungo sa La Union upang kumuha ng buhangin nang mangyari ang insidente.
Agad namang naisugod sa Baguio General Hospital ang mga biktima na kasalukuyan pa ring nilalapatan ng lunas.