MANILA, Philippines - Isang re-electionist maÂyor at anak nitong lalaki ang nasugatan matapos na pagbabarilin ng mga armadong kalalakihan sa labas ng kanilang tahanan sa bayan ng Victoria , Northern Samar noong Huwebes ng gabi. Kinilala ang mga biktima na sina Victoria, Mayor Jose Ardales at George Ardales, 23, kapwa naisugod sa Allen District Hospital. Sa ulat ng Northern Samar Police, naganap ang insiÂdente sa tapat ng tahanan ng alkalde sa Poblacion dakong alas-8 ng gabi. Base sa imbestigasyon, nakarinig ng komosyon sa labas ng tahanan ang mag-ama kaya lumabas ang mga ito pero agad pinagbabaril ng mga suspek, isa rito ay kinilala sa alyas na Kennedy. Si Mayor Ardales na tumatakbo sa mayoralty race sa ilalim ng National Unity Party ay mahigpit na kalaban ni Liberal Party candidate Guillermo Jumamil sa gaganaping midterm elections sa Mayo 13.