Driver kisay sa kuryente

BULACAN, Philippines – Imbes na pumasok sa trabaho bilang driver ay kamatayan ang sumalubong sa 33-anyos na lalaki matapos na makuryente habang inaapula ang nasusunog na tindahan ng kanyang kaanak sa Barangay Guyong, Sta. Maria, Bulacan kahapon ng madaling-araw. Idineklarang patay sa ospital ang biktimang si Herminio Ignacio Jr., drayber ng Dunkin Donuts at nakatira sa Sitio Libis sa nabanggit na bayan. Sa ulat ni SFO2 Albert Lagrimas ng Sta. Maria BFP, papasok na sana sa trabaho ang biktima nang mapansin nito na nasusunog ang bahagi ng tindahan ng kanyang pinsang si Pricilla Ignacio. Tinangkang apulahin ng biktima ang kumakalat na apoy matapos makakuha ng hose ng tubig subalit nadikit ang kanyang katawan sa na­kabitin na kable ng kuryente kung saan bigla itong nangisay at tuluyang namatay.