Mag-asawa utas sa tandem

MANILA, Philippines - Napatay ang mag-asawang trader matapos pagbabarilin ng riding-in-tandem gunmen sa kahabaan ng Maquez Drive sa Barangay Talon-Talon, Zamboanga City kamaka­lawa ng hapon. Naisugod pa sa Zamboanga City Medical Center subalit idineklarang patay ang mag-asawang Francisco Natividad, 58; at Myrna Natividad, 50. Sa ulat ni P/Chief Insp. Ariel Huesca na nakarating sa Camp Crame, naganap ang pamamaril sa main road ng Marquez Drive sa Logoy Grande dakong alas-3:10 ng hapon. Nagtamo ng mga tama ng bala ng cal. 45 pistol at cal. 9mm revolver ang mga biktima na sinasabing may ilang araw na rin minomonitor ng tandem.