TUGUEGARAO CITY , Philippines - Dalawa-katao ang iniulat na nasawi habang dalawa naman ang malubhang nasugatan makaraang salpukin ng dump truck ang likuran ng nakaparadang trailer truck sa bahagi ng View Deck ng Bangui wind mills sa Ilocos Norte kamakalawa. Kinilala ni P/Senior Insp. Baldwin Sukuquen ang mga namatay na sina Marcelo Agudo, dump truck driver, ng bayan ng Sarrat; at Richard Principe Sr., 34, ng San Ildefonso, Bulacan. Naisugod naman sa Gov. Roque Ablan Sr. Memorial Hospital ang mag-inang Nancy, 34; at Junior, 5. Lumalabas sa imbestigasyon ng pulisya na nawalan ng preno ang dump truck ni Agudo nang tumbukin nito ang likuran ng nakaparadang truck ni Edward Ramos, 30, ng Sto. Domingo, Ilocos Sur.