Pulis bulagta sa tandem

CAVITE, Philippines – Pinabulagta ang 33-anyos na pulis matapos pagbabarilin ng riding-in-randem sa labas ng kanyang tahanan kahapon ng madaling-araw sa Barangay San Agustin 2, Dasmariñas City, Cavite. Kinilala ang napatay na si PO 2 Eillor Delima,  nakatalaga sa Regional Intelligence Unit 4A at nakatira sa nabanggit na barangay. Naganap ang pamamaslang bandang ala-1:30 ng madaling-araw kung saan magtatapon ng basura ang biktima nang lapitan at ratratin ng isa sa dalawang lalaki na lulan ng motorsiklo. Narekober sa crime scene ang apat na basyo at tatlong bala ng cal. 9mm.